20వ సామాన్య ఆదివారము (2)

  20వ సామాన్య ఆదివారము 

  యిర్మీయా  38 : 4 - 6 , 8 -10
 హెబ్రీ 12 :1 -4
లూకా 12 : 49 -53

క్రీస్తు నాధుని యందు ప్రియ స్నేహితులారా,

ఈనాడు మనమందరము కూడా సామాన్యకాలపు 20వ ఆదివారములోనికి ప్రవేశించియున్నాము.ఈనాటి పఠనాల ద్వారా తల్లి తిరుసభ మనందరినీ కూడా క్రీస్తు ప్రభువు వలె, యిర్మీయా ప్రవక్తవలె దేవాదిదేవునికి సాక్ష్యులుగా ఉండమని ఆహ్వానిస్తుంది. అవమానాలు వచ్చినప్పుడు, ద్వేషించబడినప్పుడు, తిరస్కరింపబడినప్పుడు, హింసించినప్పుడు, విశ్వసాన్ని కోల్పోవద్దు , నిరాశ చెందవలదు అని ఆహ్వానిస్తుంది. ఏ విధంగా అంటే

మొదటిపఠనములో చూస్తున్నాము. దేవుడు యిర్మీయా ప్రవక్త ద్వారా యూదా రాజైనటువంటి సిద్కియాకు మరియు యూదా ప్రజలకు ఈ విధంగా దైవ సందేశాన్ని చెబుతున్నారు."ఇప్పటివరకు మీరు నా ఆజ్ఞలను పాటించలేదు. మీ ఇష్టానుసారము జీవించారు. దేవాది దేవుడు మీకు వ్యతిరేకముగా ఉన్నారు. మీరు అవిధేయులైనందువలన  ఆయన మిమ్ములను నాశనము చేయుటకు సిద్ధముగా ఉన్నారు. ఎందుకు దేవుడు ఈ మాటలు పలుకుతున్నారు దీని యొక్క సందర్భం మనము యిర్మీయా 38:1-3 ముందు వచనాలను పరిశీలించినట్లయితే  దేవుని రాజ్యాన్ని దేవుడు సృష్టించిన సృష్టినంతటికిని అధిపతిని నేనే, నేనే సర్వశక్తిమంతుడను, ఈ భూమిని అంతటినికూడా తాను ఇష్టము వచ్చిన వారికి ఇస్తాను అని అంటున్నారు. యిర్మీయా 27:1-10 వచనాలలో 35:18 వ వచనంలో చుస్తే రేబాకీయుల వశం చేస్తాను అని అంటున్నారు. ఎందుకు ఈ విధంగా అంటున్నాడంటే, ఇశ్రాయేలు ప్రజలు దేవునికి అవిధేయత చూపుట వలన వారి ఇష్టానుసారముగా జీవించడం వలన దేవునికి కోపం కలిగిస్తున్నారు.

ఈ మొదటి పఠనాన్ని మనము పరిశీలించినట్లయితే ఇశ్రాయేలు ప్రజలు గర్వం, మరియు అవిధేయతలను మనం గమనించవచ్చు. యిర్మీయా ప్రవక్త దేవుని ప్రణాళిక ప్రకారం సిద్కియా రాజు చెంతకు వెళ్లి ఇప్పుడు శ్రాయేలు ప్రజలకు పెద్ద సంశయ వచ్చినది. బాబిలోనియా రాజు ఈ రాజ్యాన్ని నాశనం చేయుటకు సిద్ధముగా ఉన్నారు. మీరు మాత్రం దేవునికి వ్యతిరేకముగా జీవించడం వలన ఆయన మీద కోపంతో ఉన్నారు. అంతేకాక మీ పక్షాన యుద్ధం చేయుటలేదు . మిమ్మల్ని చుస్తే  మీరు  ఈ ఐగుప్తీయులు  మీకు సహాయంగా వస్తారని నమ్మి మోసపోతిరి, వారు దేవాతి దేవుడు పూర్వ కాలములో ఐగుప్తులో చేసిన ఆశ్చర్య క్రియలు, అద్భుతాలు గుర్తుకుతెచ్చుకొని, దేవుడికి భయపడి పారిపోయారు. మీకు సహాయంగా ఎవరు రారు. మీరు కచ్చితంగా నాశనమవుతారు.

కావున మీరు మీ ప్రాణాలు, ప్రజల ప్రాణాలు, వారి క్షేమం  దక్కాలంటే  మీరు దేవుని మాట  విని అవమానమైన కూడా కొంతకాలంమీ ప్రాణాలు నిలబెట్టుటకు బాబిలోనియా రాజుకు లొంగిపోండు అని దేవుని మాటగా యిర్మీయా ప్రవక్త సిద్కియా రాజుకు తెలియ చేసాడు. కానీ సిద్కియా రాజు కపట ప్రవక్తల అంటే బాలు ప్రవక్తల మాటలు విని గర్వానికి పోయి ఎవరు ఏమి చేయలేరనే ధీమాతో యిర్మీయా ప్రవక్తను హింసించి బావిలో పాడత్రొసారు. చివరికి అమీ జరిగిందో మనందరికీ తెలుసు. బాబిలోనియా రాజు ఇశ్రాయేలుపై దండెత్తి వచ్చి  అందరిని నాశనం చేసి యెరూషలేము ధ్వంసం చేసి వెళతారు. కాబట్టి మనం గమనించవలసినది ఏమిటంటే మనము దేవునికి వ్యతిరేకంగా గర్వానికి వెళితే మన జీవితంలో కూడా ఇలాంటి వినాశనానికి ఎదురవుతాము.  

             సువిశేష పఠనాన్ని ధ్యానించినట్లైతే ఇక్కడ కూడా మొదటి పఠనం నేపథ్యంలనే ఉంది. మొదటి పఠనంలో ఇశ్రాయేలు ప్రజలు, అవిధేయతకు దేవుని నిరాకరణకు దేవుని సేవకుని నిరాకరణ వలన తండ్రి దేవుని కోపానికి  బాధకు గురి అవటం మనం చూస్తున్నం. అలాగే ఈనాటి సువిశేషంలో క్రీస్తు ప్రభువు ఎదో కోపంతో, ఎదో బాధలో ఉండటం మనం గమనించవచ్చు. ఒకసారి మనము ఈనాటి పఠనాని ముందు వచనాలను గమనించినట్లయితే సిద్ధముగా లేదా నమ్మిన బంటు వంటి శిష్యునికి పడే శిక్ష గురించి తెలియ చేస్తున్నటువంటి సందర్భంలోనిది.  ఎందుకంటే  ఈ యూదా ప్రజలు క్రీస్తు ప్రభువే నిజమైన దేవుడని నమ్మడంలేదు, అయన దేవాది దేవుని కుమారుడని నమ్మడంలేదు. హేళన చేస్తున్నారు, తిరస్కరిస్తున్నారు. తన ప్రజలే క్రీస్తుని తిరస్కరించడం క్రీస్తుకు ఏంటో బాధను కలుగ చేస్తుంది. అయినా కూడా తాను అవమానాలను పొందినను, హింసించబడినను, ప్రజల కోసం తండ్రి దేవుని మాట మేరకు గర్వం చూపక విధేయతతో శ్రమలు పొందిసిలువలో మరణించారు. తిరిగి జీవంతో దేవాది దేవుని కుడి ప్రక్కన కూర్చొనియున్నారు.

       మనం కూడా ఆత్మ పరిశీలన చేసుకోవాలి. క్రీస్తుప్రభుని మన జీవితాలలో విశ్వసిస్తున్నామా లేక నిరాకరిస్తున్నామా అని ఆలోచన చేయాలి.     

రెండొవ పఠనాన్ని ధ్యానించినట్లయితే  ఈ గ్రంథ రచయిత కూడా హెబ్రియా ప్రజలకు క్రీస్తు ప్రభువు చేసిన గొప్ప త్యాగాన్ని మరియు క్రీస్తు ప్రభువు పేరిట ధైర్యాన్ని ఓర్పును ఒసగుతున్నాడు. మనం రెండొవ పఠనంలో మొదటి రెండు వచనాలలో చుసిన విధంగా క్రీస్తు ప్రభువే మన విశ్వాసమునకు కారకుడు, పరిపూర్ణతను ఒసగువాడుమనము మన జీవితాలలో వచ్చెడి  అవమానాలను, శ్రమలను, చింతలను లక్షపెట్టక  ఇవన్నీ తొలగించే క్రీస్తునందు ద్రుష్టి పెట్టుము అని రచయిత హెబ్రియా ప్రజలకు ధైర్యాన్ని మరియు ఊరటను ఒసగుతున్నాడు. విశ్వాసముతో ఓపికతో జీవించమని గుండె ధైర్యము ఇస్తున్నారు.

మన వ్యక్తిగత జీవితాలతో కుటుంబ జీవితాలలో మరియు సమాజ జీవితంలో ఎప్పుడైనా మనము  మంచి చేసేటప్పుడు  లేదా  సత్యాన్ని మాట్లాడినప్పుడు ఇలాంటి అవమానాలు, తిరస్కరణలు వస్తుంటాయి. ఇలాంటి సందర్భాలలోనే మనము గర్వము, అవిశ్వముతో సిద్కియా రాజు  మరియు ఇశ్రాయేలు ప్రజల వలె కాక  ప్రజల క్షేమం కోసం మరియు కుటుంబాల క్షేమం కోసం వినయము,విధేయత మరియు దేవునియందు  విశ్వాసము నమ్మిక కలిగినటువంటి యేసు క్రీస్తువలె యిర్మీయా ప్రవక్తవాలె మనల్ని కూడా జీవించమని దేవుని దీవెనలు పొందమని తల్లి తిరుసభ ఈనాటి మూడు పఠనాల ద్వారా ఆహ్వానిస్తుంది.