22 వ సామాన్య ఆదివారం

22 వ సామాన్య ఆదివారం

మొదటి పఠనము    సిరాకు : 3 :17 -18 ,20 ,28 ,29

రెండవ పఠనము     హెబ్రి 12 : 18-19-,22-24

సువార్త పఠనము     లూకా  14 : 1, 7-14

          క్రీస్తు నాదునియందు ప్రియమయిన విశ్వాసులారా, దేవును బిడ్డలారా ఈనాడు తల్లి అయిన శ్రీ సభ దేవుని యొక్క వాక్యాని ఆలకించి, ధ్యానించి, వాక్యానుసరముగా జీవించమని మనందరిని 22 వ సామాన్య ఆదివారము లోనికి ఆహ్వానిస్తుంది.

ఈనాటి ఈ మూడు పఠనముల ముఖ్య ఉదేశ్యం మరియు ధ్యానంశం  “ క్రైస్తవ జీవితం – వినయం కలిగిన జీవితం”

ప్రతి క్రైస్తవుడు కూడా తన జీవితంలో దేవున్ని దగ్గర మరియు తన తోటి సహోదరుల  దగ్గర  వినయత్మకంగా మెలగాలి. వినయం అనే గుణము మనలో వుంటే ప్రతి ఒక్కరు కూడా దేవునిచే దీవించబడతారు అదేవిధంగా మన తోటి మానవుల చేత ప్రేమించాబడతాము. మానవుడి హృదయంలో ఉండే గర్వాన్ని, అహంకారాన్ని దేవుడు ఎలా నిరసిస్తాడో, వినమ్రత ద్వారా మనం ఎలా ఆయనకు ప్రియపడతామో ఈ రోజు ధ్యానించే   వాక్యాలు మనకు స్పష్టంగా తెలియజేస్తున్నాయి.

ఈ మొదటి పఠనము  పఠనంలో, జ్ఞానగ్రంథకర్త మనకు ఒక మంచి ఉపదేశం ఇస్తున్నాడు:

“"కుమారా! నీవు చేయు పనులన్నిట వినయముతో చేయుము ................... ." (సిరాక్ 3:17-18, 20)

అంటే మనము దీనులమై  యుంటే, దేవుని అనుగ్రహము మన మీద  కురిపిస్తాడు . మనము  చేయగలిగినంత వరకు దీనులకు సహాయము చేయాలి. అప్పుడే  దేవుడు మన మనవులను ఆలకిస్తాడు. ఇక్కడ "దీనుడవై యుండు" అంటే గర్వం లేకుండా, తన్ను తాను చిన్నచూపు చూసుకునే వినమ్ర భావంతో ఉండమని అర్థం. తన శక్తి కొలది ఇతరులకు సేవ చేసే వారిని దేవుడు ప్రేమిస్తాడు. సిరాక్ మరో ముఖ్యమైన విషయం చెప్పాడు: "వినమ్రత విద్యకు తలబంతి". వినమ్రత లేనివాడు ఎంత చదివినా, ఎంత తెలివైనవాడైనా, నిజమైన జ్ఞానాన్ని పొందలేడు. ఇక్కడ మనము వినయానికి మరియు గర్వానికి వున్నా వ్యత్యసాన్ని గమనించవచ్చు.

గర్వం దేనివలన వస్తుంది: 3 కారణాలు

1.       నేను నాపైనే  ఆధారపడి జీవించగలను అన్న ఆలోచన వచ్చినప్పుడు.

2.      తన సంపద వలన.

3.      తనకున్న విజ్ఞానం వలన.

 

1.      నేను నాపైనే  ఆధారపడి జీవించగలను అన్న ఆలోచన వచ్చినప్పుడు.

మనం కొన్నిసార్లు స్వయం-ఆధారితత్వాన్ని(self-dependence), నాపై నేను ఆధారపడగలను  అనుకునే సంస్కృతిలో జీవిస్తున్నాము. స్వతంత్రంగా ఉండడం, తన స్వంత ప్రయత్నాలతో ముందుకు సాగడం, తన సొంత జీవితాన్ని  తనే నిర్మించుకోవడం మనకు చూస్తుంటాము . కాని వ్యక్తిగత బాధ్యతకు ఒక స్థానం ఉంది, కానీ ఈ మనోభావం/ఆలోచన మన ఆధ్యాత్మిక జీవితంలోకి ప్రవేశించినప్పుడు, అది మన శక్తి మరియు జీవానికి మూలమైన దేవుని నుండి మనల్ని వేరు చేసే పరిస్థితులు ఉంటాయి. మనం ఎప్పుడు దేవుని మీద ఆధారపడి జీవించాలి. ఎందుకంటే ఆయనే మనకు జీవము,మూలము [అపో.కా. 17 : 28]. మనము ఆ దేవుని పోలికలము [ఆది. 2:7].

ఈ రోజు, దేవుడిపై ఆధారపడకుండా మనపైనే ఆధారపడటం గురించి బైబిల్ ఏమి చెబుతుందో  పరిశీలిద్దాం

మొట్టమొదటి పాపం కేవలం ఒక పండు తినడం గురించి మాత్రమె కాదు; అది ఆధారపడే విధానంలో మార్పు గురించి చెబుతుంది . సాతాను ప్రలోభం ఏమిటంటే, దేవుని వాక్యంపై ఆధారపడటం మానేసి, స్వయంగా తీర్మానాలు తీసుకునే వ్యక్తిగా మారమని ఆదాము, అవ్వను ప్రేరేపిస్తుంది.

మూల పాపము (ఆదికాండం 3:4-5) “అప్పుడు సర్పము స్త్రీతో ఇట్లనెను మీరు చావరు, మీరు దాని ననుభవించు దినమున మీ కన్నులు తెరచబడును, మీరు మంచిచెడ్డలు తెలిసికొని దేవతలవలె ఔదురు గనుక దేవుడు దానిని నిషేధించెననెను.”

వారు తమకు తామే దేవుళ్లుగా మారగలరు, వారి స్వంత అవగాహన దేవుని ఆజ్ఞను తిరస్కరించారు. ఇదే మానవాళి యొక్క మూల పాపం: దేవుని ఆజ్ఞకు బదులుగా మన స్వంత తీర్పును నమ్మడం.

బాబెల్ గోపురం (ఆదికాండం 11:1-9)
ప్రజలు  తమలో తాము ఇలా అన్నారు, "రండి, మనకు ఓ పట్టణాన్నీ, పైకి ఆకాశం వరకు ఎత్తైన ఓ గోపురాన్నీ కట్టుకుందాం. అప్పుడు మనకు పేరు రాగలదు." వారి నిర్మాణం  మానవ సాధ్యత మరియు స్వయం-గౌరవానికి ఒక స్మారకచిహ్నంగా ఉండేది, దేవునిపై ఆధారపడటం to entirely devoid. దేవుడు వారి భాషను గందరగోళపరచి, వారిని చెదరగొట్టాడు. మానవ స్వయం-సంపూర్ణతపై నిర్మించబడిన ఎలాంటి నిర్మాణం , అది ఎంతగా impressing ఉన్నా, దేవుని సంకల్పానికి ఎదురు నిలవదు.

2.      తన సంపద మీద ఆధారపడటం వలన.

ధనిక మూఢుడు (లూకా 12:16-21) 

యేసు ఒక successful రైతు యొక్క ఉపమానాన్ని చెబుతాడు, తన  పంటలు అత్యధిక దిగుబడిని  ఇచ్చాయి. అతను తనలో తనే ఇలా అన్నాడు, "నా ప్రాణా, నీకు అనేక సంవత్సరములవరకు పడియుండు ధనధాన్యాదులు గలవు, సుఖించుము, తిని, ద్రావకములు త్రావి, ఆనందించుము." అతని మొత్తం సంభాషణ తనతో తానే. అతను దేవునికి కృతజ్ఞత తెలియజేయలేదు, దేవునిని సంప్రదించలేదు, లేదా తన జీవితం దేవుని చేతుల్లో ఉందని పరిగణించలేదు. దేవుని అప్పుడు  ఇలా అన్నాడు , "మూర్కుడా , ఈ రాత్రియే నిన్ను నీ ప్రాణము తీయబడును."  చివరగా యేసు ప్రభు ఇలా  చెప్తారు , "తనకొరకు ధనమును సంగ్రహించుకొని దేవునికి ధనవంతుడు కానివాడు ఈలాగే ఉందును.

3.      తనకున్న విజ్ఞానం వలన.

             కొరింథీయులు 3:18-20

పౌలు స్పష్టంగా హెచ్చరిస్తాడు. "ఎవడైనను తనకు తానే జ్ఞానవంతుడని భావించినయెడల, అతడు మూఢుడగు నట్లు భావించుకొనియెడల, అతడు నిజముగా జ్ఞానవంతుడగును. ఈ లోక జ్ఞానము దేవుని దృష్టికి మూఢత్వము..." ఈ లోకం యొక్క జ్ఞానం దేవుని దృష్టిలో మూఢత్వమే. దేవుని జ్ఞానం కన్నా తన స్వంత బుద్ధిని, తర్కాన్ని ఎక్కువగా విలువిస్తే, అది దేవునికి వ్యతిరేకంగా గర్వంగా మారుతుంది, ఇది పాపం.

యెషయా 5:21 దేవుడు తనను తానే జ్ఞాని అని భావించే వారిని గర్విష్ఠులుగా నిందిస్తాడు.

కనుక ప్రియమయిన దేవుని బిడ్డలారా ఎల్లప్పుడూ వినయము కలిగి జీవించాలి. లేకపోతే మనం దేవుని నుండి దూరం అవుతాము. మనం చేసే ప్రతి పనిని కూడా వినయముతో చేయాలి. అప్పుడే దీవునికి మహిమా కలుగుతుంది. మన గీవితం ద్వారా దేవుడు ఎప్పుడూ కూడా మహిమ పరచాబడాలి.

ఈ సువార్త పఠనము  పఠనంలో , యేసు ప్రభువు మనకు వినమ్రత గురించి ఒక చక్కని ఉపమానం ద్వారా బోధిస్తున్నాడు.

"నీవు ఎవరినైనా వివాహమునకు ఆహ్వానించినప్పుడు, గౌరవస్థానములలో కూర్చొనవద్దు... కడపటి స్థానమున కూర్చొనుము. అప్పుడు నిన్ను ఆహ్వానించినవాడు వచ్చి 'స్నేహితుడా, ముందుకు రా' అని చెప్పును." (లూకా 14:8, 10)

ఇది కేవలం ఒక సామాజిక టిప్పు కాదు. ఇది మన ఆధ్యాత్మిక జీవనానికి అవసరం అయ్యే సూత్రం. దేవుని ఎదుట  మనందరం పాపులు. మనకు ఎటువంటి హక్కు లేదు. కానీ మనం మన పాపపు దీనత్వాన్ని గుర్తించి, దేవుని దయ మీద ఆధారపడి జీవిస్తే, ఆయన తన విందులో మనల్ని "ముందున్న స్థానానికి" ఆహ్వానిస్తాడు. అంటే, మనకు నిత్యజీవాన్ని, ఆనందాన్ని ఇస్తాడు.

 ఉదా : సెయింట్ ఆగస్టీన్ చెప్పినట్లు, "వినమ్రత సత్యానికి పునాది". దేవుడే సత్యం. కాబట్టి, వినమ్రత లేకుండా మనం దేవుణ్ణి, ఆయన సత్యాన్ని ఎప్పటికీ తెలుసుకోలేము.

మరియు ప్రభువు మరొక ముఖ్యమైన బోధన ఇస్తాడు: "నీ విందునకు నీ స్నేహితులను, నీ సహోదరులను, నీ బంధువులను, నీ పొరుగువారిని ఆహ్వానించకుము... దరిద్రులను, వికలాంగులను, మొండివారిని, గ్రుడ్డివారిని ఆహ్వానించుము."

దీని అర్థం మన సేవ, మన ప్రేమ నిస్వార్థంగా ఉండాలి. ఎవరిని ఆహ్వానిస్తే తిరిగి మనకు లాభం వస్తుందో కాకుండా, ఎవరికి నిజంగా అవసరమో, ఎవరు తిరిగి ఇవ్వలేరో అలాంటివారికి సేవ చేయాలి. ఇదే నిజమైన వినమ్రత మరియు నిస్వార్థ ప్రేమ.

 ఉదా : సెయింట్ తెరేసా ఆఫ్ కల్కట్టా (మదర్ తెరేసా) ఈ సూత్రాన్ని తన జీవితంలో నిలబెట్టుకుంది. ఆమె "అత్యంత దరిద్రులలో దరిద్రురాలు"గా మారింది. సమాజం విస్మరించిన, త్యజించిన వ్యక్తులను ఆదరించి, వారి జీవితం యొక్క గొప్పతనాన్ని చాటి చెప్పింది. ఆమె సేవకు ఎటువంటి ప్రతిఫలం అపేక్షించలేదు. ఇది నిజమైన ఖ్రీస్తుపోలిక.

ముగింపు :

చివరగా ప్రియ సహోదరులారా,

ఈ రోజు దైవవచనం మనల్ని మూడు విధాలుగా ఆహ్వానిస్తోంది:

1.     మన క్రియలలో వినమ్రత: మన పనులు, మన విజయాలు, మన ప్రతిభ అన్నీ దేవుని కృప వల్లనే అని గుర్తించి, గర్వించకుండా ఉండటం.

2.    ఇతరుల పట్ల వినమ్రత: మనకంటే తక్కువవారిని, బడుగు జీవితం గడిపేవారిని చిన్నచూపు చూడకుండా, వారికి నిస్వార్థంగా సేవ చేయడం.

3.    దేవుని వినమ్రత: ప్రార్థనలో, ఆరాధనలో తన పాపపు దీనత్వాన్ని గుర్తించి, దేవుని దయ మీద మాత్రమే ఆధారపడి ఉండటం.

మన ప్రభువు యేసు ఖ్రీస్తు స్వయంగా మనకు వినమ్రతకు ఆదర్శంగా నిలిచాడు. రాజుల రాజు అయినవాడు ఒక పశుశాలలో జన్మించాడు, ఒక బడుగు కుటుంబంలో పెరిగాడు, చివరికి మన పాపాలకు ప్రాయశ్చిత్తంగా భరించాడు. ఆయనే చెప్పాడు: "నేను సాత్వికుడను, హృదయము వినమ్రతగలవాడను; నా నుగ్గు ఆశ్రయించుకొనినవారికి విశ్రాంతి కలుగును" (మత్తయి 11:29).

ఈ వారంలో, ప్రభువు మన హృదయాలను వినమ్రతతో నింపి, ఇతరులకు సేవ చేసే భాగ్యాన్ని ప్రసాదించాలని ప్రార్థిద్దాం.

Br. Sunny OCD

ఆదిమ క్రైస్తవ విశ్వాసం - నూతన ఆజ్ఞ

 పాస్కకాలపు ఐదవ ఆదివారం 

అపో 14:21-27, దర్శన 21:1-5 యోహను 13:31-35 

సువిశేషం: యూదా వెళ్ళిన పిమ్మట యేసు  ఇట్లనెను: “ఇప్పుడు మనుష్య కుమారుడు మహిమ పరుపబడి ఉన్నాడు. ఆయన యందు దేవుడు మహిమ పరుపబడెను. ఆయన యందు దేవుడు  మహిమ పరుపబడిన యెడల, దేవుడు తన యందు ఆయనను మహిమ పరుచును. వెంటనే ఆయనను మహిమ పరుచును. చిన్న బిడ్డలారా !నేను కొంత కాలము  మాత్రమే మీతో ఉందును . మీరు నన్ను వేదకెదరు నేను వెళ్ళు స్థలమునకు మీరు రాజాలరు అని యూదులతో చెప్పినట్లే మీతో కూడా చెప్పుచున్నాను. నేను మీకు ఒక నూతన ఆజ్ఞ ఇచ్చుచున్నాను. మీరు ఒకరినొకరు ప్రేమింపుడు. నేను మిమ్ము ప్రేమించినట్లే మీరును ఒకరి నొకరు ప్రేమించుకొనుడు. మీరు పరస్పరము ప్రేమ కలిగియున్నచో, దానిని బట్టి మీరు నా శిష్యులని అందరు తెలిసికొందురు."

ఆదిమ క్రైస్తవ జీవిత ఔన్నత్యం 

మొదటి  పఠనంలో పౌలు మరియు  బర్నబాలు,   వారి  సువార్త పరిచర్యలో అనేక మందిని తమ శిష్యులుగా చేశారు. నూతనముగా క్రైస్తవ  విశ్వాసంలోనికి వచ్చిన వారు విశ్వాసంలో  జీవించాలని  వారిని ప్రోత్సహించి వారికి ఒక ముఖ్యమైన విషయం చెబుతున్నారు. అది ఏమిటి అంటే దేవుని రాజ్యంలో ప్రవేశించుటకు మనము పెక్కు శ్రమలను అనుభవించాలి అని వారికి భోదిస్తున్నారు. అపో 14:22. ప్రియ మిత్రులారా ఇది చాలా ముఖ్యమైన విషయం ఎందుకంటే ఈ రోజు మనం అనుకున్నది జరగనప్పుడు, మనం జీవితంలో కష్టం వచ్చినప్పుడు, నేను ఎందుకు దేవుడిని నమ్మాలి , విశ్వాసించాలి అని మనం ప్రశ్నిస్తూ ఉంటాం. అటువంటి ప్రశ్నలకు ఈ మొదటి పఠనం సమాధానం చెబుతుంది.

క్రైస్తవుల మీద రాజ్య హింసలు 

ఆదిమ క్రైస్తవులు ఎన్నో కష్టాలు పడి వారి విశ్వాసాన్ని నిలబెట్టుకున్నారు. ఎటువంటి కష్టాలు వీరు అనుభవించారు అంటే, ఆదిమ  క్రైస్తవ చరిత్ర ఒకసారి పరిశీలిస్తే మనకు తెలుస్తుంది. ఆదిమ క్రైస్తవులను రాజులు , రాజ్యాలు, దేశ, రాజ్య వ్యతిరేకులుగా పరిగణించేవారు. కొంత మంది రాజులు చాలా క్రూరంగా క్రైస్తవులను హింసించేవారు. వలెరియన్, డైయక్లేషీన్ అనేటువంటి చక్రవర్తులు ఎక్కువగా క్రైస్తవులను హింసించారు. వీరికి విధించిన శిక్షలు ఏమిటి అంటే, క్రూర మృగాలకు వీరిని ఆహారముగా వేసేవారు, లేక అగ్నిలో కాల్చి చంపేవారు. ఇటువంటి కష్టాలను అనుభవించడానికి కూడా వారు సిద్దపడ్డారు.  కానీ వారి విశ్వాసాన్ని కోల్పోలేదు. వీరి జీవితాలను చూస్తే మనకు ఎలియజరు, దానియేలు స్నేహితులు, ఏడుగురు కుమారులు ప్రాణాలను అర్పించడం లాంటివి మనకు గుర్తుకు వస్తాయి.

విశ్వాసానికి కట్టుబడిన జీవితాలు 

ఇక్కడ ఆదిమ క్రైస్తవ జీవితాలలో ఒకరు అయిన సీప్రియన్  అనే పునీతుని జీవితాన్ని గమనించినట్లేయితే   మనకు వారి విశ్వాసం ఎంత గట్టిదొ తెలుస్తుంది. పునీత సీప్రియన్ ఒక అన్యుడు మరియు చాలా పేరు పొందిన లాయరు. ఆయన గొప్ప లాయరుగా చాలా ప్రసిద్ధి చెందినవారు. ఆయన యేసు ప్రభువును తెలుసుకొని తన జ్ఞానంతో యేసు క్రీస్తు నిజమైన దేవుడు అని క్రైస్తవునిగా మారాడు. అది తెలుసుకున్న అక్కడి పెద్దలు మరల ఆయనను, తన పాత విశ్వాసానికి తిరిగి రావాలని, తన పాత జీవితానికి వచ్చినట్లయితే అతనికి డబ్బులు , సంపదలు, ఇస్తాము అని చెప్పారు. కానీ తాను యేసు ప్రభువును వీడాటానికి సిద్ధపడలేదు. ఎప్పుడైతే వారు ఆయనను మారమని అడుగుతున్నరో ఆయన తన విశ్వసాన్ని ఇంకా ఎక్కువగా వ్యక్తపరిచాడు. వారికి ఆయన ఒక మాట చెప్పాడు. అది ఏమిటి అంటే దేవున్ని తెలుసుకున్న ఒక మంచి ఆత్మను మార్చలేరు. అలానే ఆయన్ను మార్చలేక ఆయన్ను శిక్షించాలని నిర్ణయించి అందరు చూస్తుండగా తన తలను నరికివేయడం జరిగింది.

 ఇటువంటి శిక్ష ఉంటుంది అని తెలిసికూడా వారు తమ విశ్వాసాన్ని ప్రకటించారు. ఆదిమ క్రైస్తవ జీవితాలు మనకు మార్గ చూపరిగా ఉంటాయి. ఇంతటి గడ్డుకాలంలో వారు జీవించిన ఇతరులకు కీడు చేయాలి అని వారు అనుకోలేదు. కానీ ఈరోజు మనం మనకు వ్యతిరేకముగా ఏమైనా జరిగితే ఇంకా నేను ఎందుకు దేవాలయం రావాలి ? నేను ఎందుకు దేవున్ని నమ్మాలి అని అనుకుంటాం. వీరు ఎందుకు నమ్మారు దేవున్ని అంటే కేవలం ఈ లోకం కోసం మాత్రమే కాదు అని వారి విశ్వాసం తెలియచేస్తుంది.  ఈనాటి సువిశేషం మనం ఇంత గొప్ప జీవితం, జీవించే మార్గం చూపుతుంది. 

నూతన ఆజ్ఞ 

యేసు ప్రభువు తన శిష్యులను ఒకరి నొకరు ప్రేమించుకొనుడు అని చెప్పారు.యేసు ప్రభువు యొక్క బోధన మోషే ధర్మ శాస్త్రం మీద ఆధారపడి వుంది.  ఎందుకంటె ఇది  లెవీయా కాండం లో , ద్వితీయోపదేశ కాండంలో ఈమాటలు చెప్పబడ్డాయి. కానీ   యేసు ప్రభువు చెప్పే ప్రేమ మొత్తం కూడా మోషే ధర్మ శాస్త్రం చెప్పేదాని కన్నా గొప్పది. ఎందుకంటే యేసు ప్రభువు ప్రజలను తన కన్నా ఎక్కువగా ప్రేమించాడు.  యోహను సువిశేషంలో యేసు ప్రభువు ఇతరులను మీ కన్నా ఎక్కువగా ప్రేమించండి అని చెపుతున్నారు.  యోహను 13: 34. యేసు ప్రభువు ఒక నూతన ఆజ్ఞ ఇస్తున్నారు.ఇక్కడ అంత క్రొత్త ధనం ఏముంది? ఈ నూతన ఆజ్ఞలో అంటే యేసు ప్రభువు తనను తాను పరిత్యాగం చేసుకుంటున్నారు మన కోసం. ఆయన  ప్రేమను  తన మరణం ద్వార వ్యక్త పరుస్తున్నారు.  

యేసు ప్రభువును అనుసరించే వారి అందరి జీవితాలు కూడా ఇటువంటి ప్రేమ కలిగిఉండాలి అని ఈ నూతన ఆజ్ఞ తెలియ జేస్తుంది.  ఈ నూతన ఆజ్ఞ, క్రైస్తవులను తమ పొరుగువారిని, వారికంటే ఎక్కువగా ప్రేమించమని పిలుస్తుంది. ఎవరిని శత్రువులుగా కానీ , ప్రేమకు అనర్హులుగా కానీ చూడదు. ఇది నిజానికి యేసు ప్రభువు యొక్క వీడ్కోలు భోధనలో భాగము అంటే చివరిగా యేసు ప్రభువు తన శిష్యులకు ఇచ్చిన సందేశం. లూకా సువిశేషంలో 10:27 దీనినే మనకు    అత్యున్నతమైన ఆజ్ఞగా చెప్పబడుతుంది. ఇక్కడ ఉదాహరణగా  మంచి సమరియుని కథను చెప్పబడింది. నీకు సంబందం లేని వారికొరకు కూడా నీవు సహాయం చేయాలి అని తెలియజేస్తుంది.

అత్యున్నత ఆజ్ఞ 

 యేసు ప్రభువుని ప్రశ్న అడిగిన ధర్మ శాస్త్ర భోదకుడు  ద్వితీ 6:5, లెవీ19:18 గురించి మాటలాడుతున్నాడు. మత్తయి సువిశేషంలో పరిసయ్యుడు యేసు ప్రభువును పరీక్షింప కోరి అత్యున్నతమైన ఆజ్ఞ ఏది అని అడిగారు , మత్తయి 22:35 , దానికి యేసు ప్రభువు ద్వితీ 6:5 చెబుతున్నాడు. కాని  యోహను సువిశేషంలో యేసు ప్రభువే తన శిష్యులకు బోధిస్తారు,ఈ ఆజ్ఞ గురించి  మిగిలిన సువిశేషాలలో, ధర్మ శాస్త్ర భోదకులు యేసు ప్రభువుని ప్రశ్నిస్తారు . దానికి జవాబుగా యేసు ప్రభువు సమాధానం చెబుతారు. ఇక్కడ యేసు ప్రభువు తన శిష్యులను ఒక నూతన సమాజంగా తయారు చేస్తున్నారు. యూదుల వలె కాకుండా వీరి జీవిత విధానం యేసు ప్రభువు వలె ఉండేలా చేయలని ప్రయత్నిస్తున్నారు. అంటే క్రైస్తవులు ఒక ప్రత్యేకమైన సమూహం. 

 యేసు ప్రభువు స్థాపించే ఈ సమూహంలోని  శిష్యులు, యేసు ప్రభువు వారిని ఏవిధంగా ప్రేమించారో, వారుకూడా   ఒకరి నొకరు అధేవిధంగా  ప్రేమించుకోవాలసి ఉంటుంది.  నేను మిమ్ములను ప్రేమించినట్లు మీరును ఒకరి నొకరు ప్రేమించు కోవాలి అంటే యేసు ప్రభువుని ప్రేమ, మన ప్రేమకు కొలమానం కావాలి. పాత నిబందనలో ప్రేమకు కొలమానం ధర్మ శాస్త్రం.   కానీ నూతన ఆజ్ఞలో ప్రేమకు కొలమానం యేసు ప్రభువుని ప్రేమ. నూతన ఆజ్ఞ , పరస్పర ప్రేమ కలిగి ఉండాలి అని కోరుతుంది. ప్రేమించడం ప్రేమించబడటం అనేది ఈ నూతన సమూహాన్ని  యేసు ప్రభుని నిజమైన అనుచరులనుగా చేస్తుంది. అందుకే యేసు ప్రభువు , తన స్నేహితుని కొరకు తన ప్రాణమును ఇచ్చువాని కంటే ఎక్కువ ప్రేమ గలవాడు ఎవ్వడు లేడు అని  యోహను 15:13-15 లో చెబుతున్నారు. యేసు ప్రభుని అనుచరులు ఆయన ప్రేమను కొనసాగించేవారిగా   ఉండాలి.  ప్రేమ ఆజ్ఞను అవలంబించడం ద్వారా శిష్యులు దేవుని ప్రేమకు ప్రతినిధులుగా ఉంటారు. ఈ ఆజ్ఞను అనుసరించడమే క్రీస్తు నాధుని అనుసరణగా వారి జీవితాలు మారాలి.

యేసు ప్రభువు ఎంతగా మనలను ప్రేమించారు 

యేసు ప్రభుని ప్రేమ స్వభావం ఏమిటి? ఏలా ఆయన ప్రజలను ప్రేమించారు? ఇది మూడు విధాలుగా జరిగిఉండవచ్చు.  మొదటిగా   యేసు ప్రభువు తన శిష్యులను తన కంటే తక్కువ ప్రేమించి ఉండాలి, లేక తన వలె ప్రేమించి ఉండాలి లేక తన కంటే ఎక్కువగా ప్రేమించి ఉండాలి. ఆయన జీవితం ద్వారా  మనకు తెలిసేది ఏమిటి అంటే ఆయన తన శిష్యులను ఆయన కంటే ఎక్కువగా ప్రేమించారు. యోహను 3:16 లో దేవుడు లోకమును ఎంతగానో ప్రేమించి తన ఏకైక కుమారుని ఇచ్చెను అని వింటున్నాం. యోహను 15:13 తన స్నేహితుని కొరకు తన ప్రాణమును ఇచ్చువానికంటే ఎక్కువ ప్రేమ గలవాడు ఎవరు లేరు అని కేవలం మాటలు చెప్పలేదు, తన ప్రాణమును ధారపోస్తున్నాడు. 

ఆయన అనుచరులు ఎందుకు  ఈ విధంగా జీవించాలి అంటే వారు పరిపూర్ణులుగా ఉండాలి. మత్తయి 5:46 వ వచనం  మిమ్ములను ప్రేమించే వారినే మీరు ప్రేమించినచో మీ ప్రత్యేకత ఏమి ఉంటుంది అని అడుగుతుంది. అందరు అది చేస్తారు కాదా! నీవు ఏ విధంగా జీవించాలో  ఒక కొలమానం ఉంది , అది పరిపూర్ణత కలిగి ఉండటం.  యేసు  ప్రభువు వలె జీవించడం. మత్తయి 5:48లో యేసు ప్రభువు చెప్పే ఈ ప్రేమ, మనకు సాధ్యమా? దీనిని అంత సులువుగా సాధించగలమా? ఇది అంత సులువైన పని  ఏమి కాదు, కానీ ఇది యేసు ప్రభువు ఇచ్చిన ఆజ్ఞ దీనిని పాటించడం వలన అందరు మనం క్రీస్తు అనుచరులం అని గ్రహించ గలుగుతారు. శిష్యులు ఇది చేయగలిగితే వారు లోకములో వెలుగువలె ప్రకాశిస్తారు. మత్తయి 5:15. లోకం అది చూసి వెలుగు దగ్గరకు వస్తుంది. ఈ ఆజ్ఞ ఇచ్చే ముందుగానే యేసు ప్రభువు తన శిష్యులకు ఒక మాతృకను చూపిస్తున్నారు. తాను వారి పాదాలు కడుగుట ద్వారా, ముందుగానే వారిని సిద్ధం చేస్తున్నారు. 

యేసు ప్రభువు శిష్యులనుఎలా తెలుసుకోవచ్చు?

నూతన ఆజ్ఞ శిష్యులకు ఒక సవాలు.  నిజముగా వారు ఆయన అనుచరులేనా? లేదా? అని తెలుసుకునే సాధనం కూడా. యేసు ప్రభువుకు  యూద, తనను  శత్రువులకు అప్పగించనున్నాడని తెలిసికూడా ఆయనను కించ పరచలేదు. అతన్ని అగౌరపరచలేదు. ఎటువంటి వ్యత్యాసం చూపించలేదు. తనని శత్రువుగా చూడలేదు. మనం చేయవలసినది కూడా అదే. ఎవరిని శత్రువుగా భావించి, వారికి వ్యతిరేకముగా జీవించనవసరం లేదు. మన జీవితం మనం క్రీస్తు అనుచరులుగా  జీవిస్తే చాలు. యోహను మొదటి లేఖలో ఈ నూతన ఆజ్ఞ క్రైస్తవ సంఘానికి ఒక శాసనం అయ్యింది. 1 యోహను 4:7-8 వచనలలో  మీరు  మీ సోదరి సోదరులను ప్రేమించకుండా   దేవున్ని ప్రేమిస్తున్నాం అని చెప్పకూడదు అంటున్నారు. 

ఎవరు యేసు ప్రభువు శిష్యులు అవుతారు?  

ఎవరు  మేము యేసు ప్రభువు అనుచరులం అని చెప్పుకోవడానికి అర్హులు అంటే ఇతరులను ప్రేమించే వారు, ఎవరిని ద్వేషించనివారు, శపించని వారు, ఇతరులను తృణీకరించనివారు, మోసం చేయనివారు, హింసించనివారు.

యేసు ప్రభువును అనుసరించే వారికి, ఆయనను విశ్వసించే వారికి,  అందరికి యేసు ప్రభువు ఈ ఆజ్ఞను ఇస్తున్నారు. ఆయన వలె జీవించవలసిన అవసరం ఉంది, ఆయన అనుచరులం అని చెప్పుకున్నప్పుడు. మనం మన  పొరుగువారిని  ఎక్కువగా ప్రేమించాలి. ఎంత వరకు ప్రేమించాలి అని అంటే మన  ప్రాణమును పొరుగువారి కొరకు ఇచ్చేంతగా ప్రేమించాలి.  ఆ విధంగా జీవిద్దాం. నిజమైన క్రీస్తు అనుచరులగా నిలుద్దాం. 

Fr. Amruth